Ողջույն :)
Մեկնարկեց «Հասարակագիտություն» առարկայի երկրորդ միջանկյալ քննությունը: Այն հասանելի կլինի մինչև սեպտեմբերի 9-ը: Քննության հարցերը վերաբերում են երկրորդ կիսամյակի տեսադասերին՝ սկսված 22-րդ դասից:
Քննությանը մասնակցելու համար պիտի այցելես դասընթացի էջը, որի ներքևում՝ քննարկման բաժնի անմիջապես ներքևում, կտեսնես հետևյալ պատկերը.
Քննությանը մասնակցելու համար պիտի պարզապես սեղմես հղմանը և, ծանոթանալով թեստի պայմաններին, սկսես թեստը: Թեստը հանձնելու համար դու կունենաս 30 րոպե: Թեստը կազմված է 12 հարցից, որոնց միավորային արժեքը 20 միավոր է կազմում: Հարցերը երեք տեսակի են լինում՝ 1, 2 և 3 միավոր արժողությամբ: 1 միավոր արժողությամբ հարցերը առավել պարզ են. դու պիտի պարզապես կռահես՝ ճ՞իշտ է պնդումը, թե՞ սխալ: 2 միավոր արժողությամբ հարցերն ավելի բարդ են: Ընտրելով չորս հնարավոր տարբերակներից մեկը՝ դու պիտի կռահես, թե ինչ բառ է պակասում բաց թողնված հատվածում: 3 միավոր արժողությամբ հարցերը ևս կունենան պատասխանի չորս տարբերակ, սակայն, ավելի մեծ ուշադրություն կպահանջեն քեզնից:
Հարցերը պատահականության սկզբունքով ընտրվելու են մեր հարցադարանից: Միջինում ամեն հարցին պատասխանելու համար դու կունենաս 2,5 րոպե: Դա ավելին քան բավարար է լավ մտածելու համար, սակայն թույլ չի տա քեզ հասցնել տեսանյութերում գտնել պատասխանները, այնպես որ լա՛վ պատրաստվիր, և հաջողություն ենք մաղթում քեզ:
