Սովորողների ներկա սերունդը հակված է օգտագործել էլեկտրոնային ռեսուրսները որպես սովորելու գործիք և միջավայր։
Ստեղծված նոր միջավայրն, անհրաժեշտաբար, կարիք ունի նոր բովանդակության։ Դիտարկելով համացանցը՝ որպես կրթական ոլորտի փոփոխման, զարգացման ու արդիականացման երաշխիք՝ «:Բուն» գիտամշակութային հիմնադրամը, «Գալուստ Կիւլպէնկեան» հիմնարկութեան ֆինանսական և տեխնիկական աջակցությամբ, թողարկում է առցանց կրթության առաջին ինտերակտիվ հարթակը՝ «:Բունուսը»։
Մեր նպատակներն են՝
1. Որակյալ կրթությունը դարձնել ավելի հասանելի Հայաստանի և սփյուռքի մեր հայրենակիցների համար։
2. Առցանց ուսուցման շնորհիվ բարեփոխել կրթական համակարգը՝ դարձնելով այն ժամանակի պահանջներին առավել համապատասխանող։
3. Բարձրացնել գիտելիքի հանդեպ հետաքրքրությունն ու կարևորության գիտակցումը՝ դասավանդման նոր մեթոդների և տեխնիկական նոր գործիքների կիրառմամբ։
Մենք հավատում ենք, որ գիտելիքը պետք է լինի ազատ, անվճար, չուղղորդված և հասանելի բոլորին։
