Երկու մարդ գողություն են կատարում,նրանցից մեկին դատապարտում են, իսկ մյուսին ոչ:

Օրենքի առաջ հավասար են բոլորը,ինչը այստեղ չի գործում,տեղի է ունենում անարդարություն:

Երկու ուսանող սովորում են նույն համալսարանում, մեկը սովորում է գերազանց, բայց չկա անվճար տեղ, իսկ մյուսը սովորում է հազիվ, ամենացածր գնահատականներով, բայց երկուսն էլ վճարում են նույնքան ուսման վարձ:

Լուիզա ջա՛ն, այստեղ արի՛ մի փոքր ճշտենք: Քո օրինակում անարդարությունն առաջանում է հենց այն պատճառով, որ հավասարության սկզբունքն է խախտվել, ոչ թե հավասարությունն է բերել անարդարության: Խոսքն այն մասին է, որ լինում են դեպքեր, երբ մենք հավասար մոտեցում ենք կիրառում, բայց ստացվում է, որ դա անարդար է: Այսինքն՝ օրինակ, երկու գողերին էլ դատապարտեին, բայց անարդար լիներ: Փորձի՛ր գտնել օրինակ, երբ հենց հավասարությունն է անարդարության պատճառը:

Բարի գալուստ, Սուսաննա՛: Լավ օրինակ էր: Շնորհակալություն: 

Բարի օր։

   Երկու եղբայր  հավասար կատարել էին մայրիկի տված հանձնարարությունը։Երբ նրանք վերջացրին իրենց գործը, մայրը միայն գովեց երեխաներից մեկին։

   Ինչը այս դեպքում անարդար է և չի գործում հավասարության սկզբունքը։

Բարի օր, Լուսինե՛ ջան: Քո օրինակում մայրը անհավասար մոտեցում դրսևորեց: Այսինքն՝ անարդարությունը բխեց անհավասարությունից: Ես ուզում էի, որ օրինակները ցույց տան, որ հավասարությունն ինքը կարող է լինել անարդար: Որպեսզի անարդարությունը բխի հավասարությունից, արի՛ մի քիչ փոխենք օրինակդ. երկու եղբայրներից մեկը կատարել էր հանձնարարությունը, մյուսը՝ ոչ, բայց մայրիկը, հավասար մոտեցում դրսևորեց, ու գովաց երկուսին էլ: Դա հավասար էր, բայց արդար չէր, քանզի գովեստի արժանի էր միայն մեկը: